“Инвестиция деген не?” сұрағына жауап іздесеңіз бүлдіршіндерге арналған “Қойшы бай” атты қазақ ертегісінің 8-9 беттерін оқыңыз 
Сонымен бұл кітапшалар (көлемі 14х10 см) AZIA ANIMATION студиясының атынан шығарылған. Көлемі шағын, сапалы, менің ойымша, қымбат емес (90 тенге). Жалпы бір қарағанда маған ұнады. Сонымен бірге мұқабасында жоғары жағында “Бүлдіршіндер үшін”, “қазақ тілін үйренеміз”, “ертегі сөздік”, төменірек “Қазақ ертегісі” деген жазбалары да бар.
Бұған инвестицияның қатысы қанша деп ойларсыз. Мен де аталған беттерді оқығанда аузымды ашып қалдым
Сонымен, ертегіден үзінді (8-9 беттер, еш өзгертусіз алынды):
“Осылайша Алдар Көсе мен бай күні бойы саудаласты. Кеш болды. Ақырында әбден жалыққан бай: “О, алаяқ! Таңертең ғана сенде ештеңе болмап еді, енді бір отар қойың бар!” – бақыра бастады. “Жоқ, бай, сенікі дұрыс емес, – деп қарсылық білдірді Алдар Көсе, таңертең үш жүз теңгем болатын. Мен оны қой сатып алу үшін инвестицияладым және ол маған пайда әкелді!
“Инвестиция деген не нәрсе?”- деп таң қалды бай. Алдар көсе ақшаны байдың мұрнына тақап тұрып, оған түсіндіре бастады. “Инвестиция дегеніміз ақшаны бір кәсіпке салу. Алдымен мен қозы сатып алу үшін үш жүз теңгені инвестицияладым, сонан соң саулықты, сосын қойды, осылайша бір отыр қойға ие болдым. Оның үстіне үш жүз теңге өзімде қалды!”
Бұл қандай қазақ ертегісі? Авторлық құқықты қорғайды ғой, сол сияқты “Қазақ ертегісін” де қорғау керек сияқты.
Қайта тақиясы мен шапанын орнында қалдырғанына шүкіршілік етейік. Меніңше Қожанасырдың Уолл Стритте тамағын жыртып биржада бақырып жатқаны туралы, Тазша баланың Руперт Мердоктың үлесін тартып алатыны туралы ертегілердің ауылы алыс емес сияқты мына түрлерімен…
өте дәл ертек екен. Бір сөзбен айтқанда “жынды”.
айтпағым былай, мен ертек оқи бастасам інім жалығып кетеді. Нинза, Члвк паук, Немо, Шрек жайында айтшы деп, мұндай балдарға Техносиндром айтпақшы дамыған ертек жазу керек шығар. Оған қала, фирма жайында президенттер жайында. сосын садик директоры жайында ертек қызық. Мақта қыз бен мысық баяғыда модадан қалған. Бастысы ертекті керемет жазып шығатын мықты экономист бар ма екен? 
Жақында ертек оқи бастап таң қалдым, кішкентай кезде фантазиям аздау болған екен дә, ал мына ертек дәл қазір маған арналған екен деп інім кетіп қалса да өзім әрі қарай оқи бердім.
Бір сөзбен айтқанда заман талабына сай етіп, ертектер жаза берсе де болады ғой, аудитория соны сұрап отыр. Ал сізбен бізге.., ата-бабамыздың байды, КЕДЕЙ жеңіпті деген ертегін оқып мәз болып жүре берейік
Салеметсиздерма! Осы казакша анимациялардын суретин кайдан алуга болады??? Мумкиншилик болса менин поштама бирнешеуин тастсаныздар?!
Pingback: Қазақша анимациялардың суреттері | Қазақ тілі